Inicio

Ema bisinu nunaneykari ESTADO nunaynekase´ inuga ni, 2010 kugi´se kwakumana. Nikamu uwa neyka:

Derechos pensionales zakanuga wasuya, ema neykari, gunamu Estado ka´mukari zoyanari gugin kugi kichori nekuri timasin agazasari zoya sekunanukwa nikamu niwikunna nanu´no, ayari leyse´a´nikwuya´ba ta unchunhasi.

Na´ba pariri aya si gakunamu sekunari, zagunamusa, reguka awkey na´bari ukumuya ni; ema nunukin awiri gugin zari, contribuciones parafiscales de la protección social awga, azasari azweingwasi,, ey unige´gun a´mukari zoyanari gunti, gugin kugisin mikichori nunnigeri unmewekumuya kawi timasin migazasanukwa a´nikwuya ni. Ey uwame, ley yeykari emi Colombia na´bari, pinna Estado kwa Empresa ka´mukari zoyari zasanukwa leyse´ri a´nikwuya nanu´no. Ey uweri gunamu zasanuyaygwi, Estado kwa Empresa nikamu wesuyari, gunamu kunari uwa´ba tagwi zasariza nanu´no.

Nikamu niwikunari awunnugari ema gunamu yina gugin zari awiri nanuyukin zasari zorinigeri, a´mukari zoyanari kugisin gugin kichunnigeri, anewekumuya kawa timasin azasari zweyngwa neyka unchunhasikura ni.

Niwi uzorikura: nunukin unchunhasi, chow rinha´chwi, nikamu unchunhasi, gugin kuregusi awiri ta gwamu ungwasi.

Nikamu unchunhasi zorikurari pinna gunamu du key, chow a´chwi,dikin riwari, azanakwuyukin, kuyumukin, amasay azoya name kiuzagichu nunkurari:

• Gakunamu unkusikuma uweri, munugwi awiri nanuyukin key gakunamu re´mikumuya ni.
• Nikamu rewekumuya´bari guchu a´muchana, gumusinu, kwi´ma, a´mia wichamu a´zuna, achuna jina, iku jina zusakuku, na´ba a´zana´ku neykari diwun a´chwi, minsa´gwi warunhey achwuya nanu no.

Bisinun niwikunari uwa nunke´ri me´zanun nugeyka kwa warunhun nugari zagunamusuya ey kinki nuga ni eymari a´zari zagunamusungwasi, ajwa takamu kaw nari.